منفرد

وصی شاہ کی یہ غزل میری پسندیدہ ترین غزل ہے۔۔۔۔۔۔۔۔

تم مری آنکھ کے تیور نا بھلا پاؤ گے

ان کہی بات کو سمجھو گے تو یاد آؤں گا

ہم نے خوشیوں کی طرح دکھ بھی اکٹھے دیکھے

صفحہء زیست کو پلٹو گے تو یاد آؤں گا

اسی انداز میں ہوتے تھے مخاطب مجھ سے

خط کسی اور کو لکھو گے تو یاد آوں گا

میرے خوشبو تمہیں کھولے گی گلابوں کی طرح

تم اگر خود سے نا بولو گے تو یاد آؤں گا

آج تو محفل یاراں پے ہو مغرور بہت

جب کبھی ٹوٹ کے بکھرو گے تو یاد آوں گا

شال پہنائے گا کوں دسمبر میں تمہیں

بارشوں میں‌کبھی بھیگو گے تو یاد آوں گا

حادثے آیئں گے جیون میں تو تم ہو کے نڈھال

کسی دیوار کو تھامو گے تو یاد آؤں گا

اس میں شامل ہے میرے بخت کی سیاہی بھی

تم سیاہ رنگ جو پہنو گے تو یاد آؤں گا

ہی ہی ہی ہی یعنی پچھا نہیں چھوڑنا کبھی بھی ۔۔۔۔!!!

اپنے سرد کمرے میں

میں اداس بیٹھی ہوں

نیم وا دریچوں سے

نم ہوائیں آتی ہیں

میرے جسم کو چھو کر

آگ سی لگاتی ہیں

تیرا نام لے لے کر

مجھ کو گد گداتی ہیں

کاش میرے پر ہوتے

تیرے پاس اڑ آتی

تجھ کو چھو کر لوٹ آتی

میں نہیں مگر کچھ بھی

سنگ دل رواجوں کے

آہنی حصاروں میں

عمر و زید کی ملزم

صرف ایک لڑکی ہوں۔۔۔۔۔۔۔!

اک ایسا روز بھی آئے گا

جب یاد میری دہراؤ گے

تب کچھ بھول نا پاؤ گے

تم لاکھ بھلانا چاہو گے

اک ایسا روز بھی آئے گا

جب راہ ہماری دیکھو گے

پھر گزرا وقت نا آئے گا

تم لاکھ بھلانا چاہو‌گے

اک ایسا روز بھی آئے گا

تمہیں نئے ساتھی مل جایئں گے

پر ہم تو مل نا پایئں گے

تم جب بھی آیئنہ دیکھو گے

تو عکس میرا ہی پاؤ گے

اک روز پھر ایسا آئے گا

تم صحرا صحرا بھٹکو گے

وہ گلشن ہو یا ویرانہ

پر ہم کو ڈھونڈ نا پاؤ گے

اک روز پھر ایسا آئے گا

فرض کرو ہم اہلِ وفا ہوں،فرض کرودیوانے ہوں
فرض کرو یہ دونوں باتیں جھوٹی ہوں افسانے ہوں

فرض کرو یہ جی کی بپتا جی سے جوڑ سنائی ہو
فرض کرو ابھی اور ہو اتنی ،آدھی ہم نے چھپائی ہو

فرض کرو تمہیں خوش کرنے کے ڈھونڈے ہم نے بہانے ہوں
فرض کرو یہ نین تمہارے سچ مچ کے میخانے ہوں

فرض کرو یہ روگ ہو جھوٹا،جھوٹی پیت ہماری ہو
فرض کرو اس پیت کے روگ میں سانس بھی ہم پے بھاری ہو

فرض کرو یہ جوگ بجوگ کا ہم نے ڈھونگ رچایا ہو
فرض کرو بس یہی حقیقت ،باقی سب کچھ مایا ہو

محبت کی زنجیر سے ڈر لگتا ہے

کچھ اپنی تقدیر سے ڈر لگتا ہے

جو مجھے آپ سے جدا کرتی ہے

ہاتھ کی آس لکیر سے ڈر لگتا ہے۔۔۔۔۔۔۔

جب سینے اندر سانس کے دریا ڈولتے ہیں

جب موسم سرد ہوا میں

چپ سی گھولتےہیں۔۔۔۔۔

جب آنسو

پلکیں رولتے ہیں

جب سب آوازیں اپنے اپنے بستر پے سو جاتی ہیں۔۔۔

تب آہستہ آہستہ آنکھیں کھولتے ہیں

دکھ بولتے ہیں۔۔۔۔۔۔۔۔۔۔۔؟

اب کے اس کی آنکھوں میں

بے سبب اداسی۔۔۔۔۔۔۔۔۔۔۔تھی

اب کے اس کے چہرے پر

دکھ تھا۔۔۔۔۔۔۔بےحواسی تھی!

اب کے یوں ملا۔۔۔۔مجھ سے

یوں غزل سنی ۔۔۔۔۔جیسے

میں بھی ناشناسا۔۔۔۔ہوں

وہ بھی ۔۔۔۔۔۔۔۔۔۔اجنبی جیسے

زرد خال وخد اس کے

سوگوار دامن۔۔۔۔۔۔۔۔تھا

اب کے اس کے لہجے میں

کتنا کھردرا پن تھا۔۔۔۔۔۔۔۔۔۔!

وہ کہ عمر بھر جس نے

شہر بھر کے لوگوں میں

مجھ کو ہم سخن ۔۔۔۔۔جانا

دل سے آشنا ۔۔۔لکھا

خود سے مہرباں سمجھا

مجھ کو دلربا لکھا

سرخ روشنائی سے

اس نے تلخ لہجے میں

میرے نام سے پہلے

صرف بےوفا لکھا

پتھر تھا مگر روئی کے گالوں کی طرح تھا
اک شخص اندھیروں میں اجالوں کی طرح تھا

نہ خوابوں می طرح تھا نہ خیالوں کی طرح تھا

وہ علم ریاضی کے سوالوں کی طرح تھا

الجھا ہوا ایسا کہ کبھی کُھل نا پایا

سلجھا ہوا ایسا کہمثالوں کی طرح تھا

محسن نقوئ کی یہ نطم مجھے سالون پہلے کسی نے بھیجی تھی تب یہ میری سمجھ میں نہیں ائی تھی اور جب اس کی سمجھ ائی تو وقت بہت اگے بڑھ چکا تھا۔۔۔۔۔۔
پاگل آنکھوں والی لڑکی

اتنے مہنگے خواب نا دیکھو

تھک جاو گی

کانچ سے نازک خواب تمہارے

ٹوٹ گئے تو پچھتاؤ گی

تم کیا جانو    !!!!!!

خواب ۔۔۔۔۔۔سفر کی دھوپ کے تیشے
خواب۔۔۔۔۔۔۔۔ادھوری رات کا دوزخ

خواب۔۔۔۔۔ خیالوں کا پچھتاوا

خوابوں کا حاصل تنہائی

مہنگے خواب خریدنا ہوں تو

آنکھیں بیچنا پڑتی ہیں

رشتے بھولنا پڑتے ہیں
اندیشوں کی ریت نا پھانکو

خوابوں کی اوٹ سراب نا دیکھو

پیاس نا دیکھو

اتنے مہنگے خواب نا دیکھو
تھک جاؤ گی

شاعری سے سبھی کو لگاو ہوتا ہے کچھ نا کچھ مجھے بھی ہے۔۔۔۔۔۔بچپن سے ہر گز نہین کہ بچپن میں تو قومی ترانہ بھی پلے نہیں پڑتا۔۔۔۔۔۔۔۔۔۔پہلی غزل “ساغر صدیقی کی۔۔۔

آج روٹھے ہوئے ساجن کو بہت یاد کیا
اپنے آجڑے ہوئے گلشن کو بہت یاد کیا

جب کبھی گردش تقدیر نے گھیرا ہے ہمیں
گیسو یار کی ایجھن کو بہت یاد کیا

شمع کی جوت پہ جلتے ہوئے پروانوں نے
اک تیرے شعلہ دامن کو بہت یاد کیا

جس کے ماتھے پے  نئی صبح کا جھومر ہو گا
ہم نے اس وقت کی دلہن کو بہت یاد کیا

آج ٹوٹے ہوئے سپنوں کی بہت یاد ائی
آج بیتے ہوئے ساون کو بہت یاد کیا

ہم سر طور بھی مایوس تجلی ہی رہے
اس در یار کی چلمن کو بہت یاد کیا

مطمئن ہو ہی گئے دام و قفس میں ساغر
ہم اسیروں نے نشیمن کو بہت یاد کیا۔۔۔۔۔۔۔